اسلام آباد: پاکستان میں ایران کے سفیر رضا امیری مقدم نے برطانیہ میں حالیہ سیاسی تبدیلیوں پر سوالات اٹھاتے ہوئے دعویٰ کیا ہے کہ سابق برطانوی وزیراعظم کیئر اسٹارمر نے ایران کے خلاف جنگ کے دوران امریکا اور اسرائیل کا ساتھ دینے سے انکار کیا تھا۔
ایرانی سفیر کے مطابق اس مؤقف کے بعد کیئر اسٹارمر پر اچانک نااہلی کے الزامات سامنے آئے اور انہیں دباؤ کے باعث اپنے عہدے سے مستعفی ہونا پڑا۔
رضا امیری مقدم نے مزید دعویٰ کیا کہ نئے برطانوی وزیراعظم نے منصب سنبھالتے ہی امریکا کو فوجی اڈوں کے استعمال کی اجازت دی اور ایران سے برطانوی سفارتی عملے کو واپس بلا لیا۔
انہوں نے ان واقعات کے تسلسل پر سوال اٹھاتے ہوئے کہا کہ کیئر اسٹارمر کا استعفیٰ اور اس کے فوراً بعد برطانیہ کی پالیسی میں آنے والی تبدیلیاں کئی سوالات کو جنم دیتی ہیں۔
ایرانی سفیر نے کہا کہ یہ پیش رفت اس بات کا تقاضا کرتی ہے کہ ان واقعات کا غیر جانبدارانہ جائزہ لیا جائے تاکہ ان کے پس منظر اور محرکات کو بہتر طور پر سمجھا جا سکے۔
